Australia澳州 - Tasmania塔斯曼尼亞之自由行(自駕遊15)

Australia澳州 - Tasmania塔斯曼尼亞之自由行(自駕遊15)

下午往Woolnorth打算看Windfarm(用巨型風扇的風力發電機群), 但去到原來是私家路, 不准進入, 只可約付費的導賞團才可參觀.

途經Smithton 及 Marrawah鎮之後前往Authur River想參觀Edge of the World, 睇吓是什麼東東? 但去到原來是一個名為普通沙石灘, 因有人曾在此地作過一首詩, 名為Edge of the World, 此地亦因此改為Edge of the World而出名, 無甚睇頭的沙石灘一個!

晚上試圖去Stanley附近的石灘睇小企鵝回巢, 見到有巢穴, 但等了半小時都冇小企鹅回巢, 天氣稍凍, 都是‘早抖’ 吧.



2009.12.01    星期二
一早早餐後, 執拾行裝, 又要出發, 前往西部的Strahan, 目的是坐船遊覽Gordon River及其他大自然靚景.

0840時在油站入滿油, 開始沿A2及A10公路經Wynyard, Tullah, Rosebery, Zeehan等小鎮(全程251公里, 有好多時車高速行半小時都見不到人或車, 全程是冇油站, 冇補給的樹林或森林).

在1330時抵達Strahan, 搵了幾間酒店/Motel 格價後, 選中Innkeeper集團的Gordon Gateway旅店, 原價A$150/晚, 因風景太靚, 我要住足五日, 折扣價是A$90/晚, 景靚, 價錢又好合理, 即成交.

旅店位於Strahan海港的西半山上, 所住房間是套房, 落地長窗, 窗前有大片草地, 對正Strahan海港, 日落西斜, 美景如圖畫一般, 一於嘆吓靚風景, 隨後的五日, 日夜我都捨不得關窗帘, 因我要日與夜都珍惜這麽美麗的風景, 遼闊的視野, 無人干擾的空間, 天為被, 地為床, 月光映照在我身上, 感覺出皮膚發出的微温... 美好的居住環境真是完全可以美化人的心情及對事物的睇法. 我竟然有無憂無慮的感覺, 心無雜念, 與愛侶共享這一刻, 真是好希望世人都能享有我現在的幸福感.

晚上在View 42° Restaurant吃了一個西班牙式自助晚餐, 都是一般高檔西式食品, 飲吓酒, 有知已談吓心, 飲飽食醉, 人生何求 ?