Australia澳州 - Tasmania塔斯曼尼亞之自由行(自駕遊6)
2009.11.24 星期二 晴
昨晚沒有拉下遮光窗帘, 在約0430時被屋外的光照射, 在0500時已經陽光普照, 瞓唔倒, 起身出門踏單車, 天氣很寒要加衣, 一早在湖邊踏單車, 鼻子聞到草青及花香味,
眼前見到綠油油的青草地及樹木, 見到棕色的兔子走進叢林, 亦見到海鷗及其他雀鳥在湖邊覓食, 寧靜的湖水, 青綠的背景, 太陽隨隨在東面升起, 映了好多相, 好開心,
好健康, 空氣質素是這麼的fresh, 全無塵埃
Beauty Point 湖景
繼續踏單車在這美麗的湖邊小鎮上遊歷, 唔怪得知叫的Beauty Point(位於Launcestion市以北的河口區, 沿West Tamar Highway向北走距市中心以北約24公里就見到) 真係好好beautiful.
踏完單車後, 在屋前洗車, 勞動一番, 出身汗, 好舒服, 真係好寫意.
早餐後前往Low Head睇企鵝, 但去到至知企鵝在夜晚才返回巢穴(Low Head企鵝保護區); 之後經過George Town去了Hillwood一帶農莊買新鮮摘下來的蘋果, 有十個品種, 個個都好好食, 好新鮮, 食到唔駛食午餐;
跟住又去了士多啤梨場, 採摘那些在地上長出來的新鮮士多啤梨, 未行到田間已經聞到强烈的士多啤梨味, 即摘即食, 好新鮮, 再買了一小桶走(A$5.6/Kg).
之後去了近Launceston市的Contaract George Reserve, 目的是坐登山吊椅(Basin Chairlift), 但今天天陰, 天色不靚, 沒有坐到.
之後返回Beauty Point, 途經Leganna的大型超市Woolworths買食材做今晚晚餐.
今天的車程行了約250公里, 主要是在Launceston的Tamar River兩岸的East 及 West Tamar Highway 行走, 所提到的地名亦是沿河兩邊的小鎮.
在Tasmania好多小鎮晚上都非常寂靜, 所有商店都關上門, 似乎好多遊客都要自備晚餐, 唔怪得知旅館大多有簡單煑食用具, 好多時我們都要在晚上做homemade晚餐,
否則冇啖好食, 好彩的話, 或者可光顧大型酒店附屬的貴價餐廳.
沒有留言:
發佈留言