快樂逍遙第二個月第15天 ~ 影評

快樂逍遙第二個月第15天–影評

July 14 

 

影評:殺人犯(郭富城主演的電影)

我自問都幾夠胆、但拍攝手法好迫真、幾次俾個特寫畫面嚇倒、好似開头跌落天井的探員垂死企起身、骨折的骨头插出來、及凌光打開焗炉睇佢老婆個頭、须然睇唔倒、但驚嚇度卻可超越那套西片SAWS。

編劇及導演真係好有水準、故事出人意表、情節好緊湊、唔想睇唔明內容、結果唔敢去小便、郭富城的演技好投入角色、演技亦再次提升。

睇完此片我成半日都仲有少少精神分裂、細胆者考慮吓先好去睇此片。

是日陽光普照、1145應約周年檢查牙齒、免費睇牙似乎是公務員最後的福利、但其實政府已經靜靜的大幅縮減牙科的資源、两年前我因頂不住牙痛、而需要自費HK$4500去搗牙齦(因為其他公務員都要排期十四個月才可做免費手術、根本是迫我們自費去做手術)、真是無可奈何。

July 15

一早起床飲杯五蔬汁、睇吓報紙、飲吓咖啡、食吓多士；跟住做吓家務清潔、修剪花草。

中午上藍田食午飯及買家用品。

之後都是勤練倉頡輸入法、有進步但仍需努力加努力。


自我評核：似乎已脫離公務生活、無哂壓力、但我一定要保持身心健康的纪律、思考思考、前進前進、提升自我生活的心理生理質素。