Australia澳州 - Tasmania塔斯曼尼亞之自由行(自駕遊1)

Australia澳州 - Tasmania塔斯曼尼亞之自由行(自駕遊1)


旅行日期: 2009.11.17–2009.12.08

兌換: 恒生銀行1 A$ = 7.25HK$ ; Visa card 1 A$ = 7.39HK$

使用: Visa非常通行: 入油, 超級市場, Motel,差不多所有有收銀機的鋪頭都收Visa,銀碼小小無拘,當然要預備澳元現金備用. 

資料搜集及訂机票, 租車, Motel等: 全在互聯網上攪掂

澳州是一個非常重視旅遊工業的國家,網上訂購及當地的旅遊資訊中心都非常重視顧客服務及一定有回應,做定預訂,行程會較妥善.

通訊: Vodafone電話卡只可在柏斯及塔斯曼尼亞的Hobart有用;Telstra網絡較好,因可在塔斯曼尼亞全省通用.

營業時間要留意: 塔斯曼尼亞有好多埠仔的超級市場的營業時間是0700-1500時,油站亦於1800時關門,埠與埠之間的油站相距可能超過２至３ＯＯ公里, 唔入定油分分鍾冇電油行車,餐廳無人幫襯時可能會提早關門,晚餐要隨時準備乾糧或自已煑.

時差: 塔斯曼尼亞有夏令時間+1小時,快香港+2小時,夏天日照時間0500-2100時,所以在0700時已經見到賣肉賣菜商店開始營業,建築工人亦已開工.

交通工具: 在塔斯曼尼亞, 大多數本地人或遊客都是用自駕車,無車等如無腳.


2009.11.17   星期ニ

早上0915時由Perth經Melbourne 抵達Hobart / Tasmania機場, 乘車直接去市中心的租車中心取車(22天租車費, 連全保, GPS, 總計A$1831), 2008年Ford Mondeo, 性能應該可以安全地陪我22日在Tasmania流浪.

坐了通宵機, 睡不好非常累, 取車後利用GPS選取了在Sandy Bay Road的Motel 429(A$230/2 nights), 有少少驚喜, 因為環境好舒適, 面對Hobart港.

Hobart位於Tasmania的Derwent River河口, Storm Bay的東南面, 十一月中的日照時間很長, 由0500至2130都有陽光.

Hobart港好平靜, 是省內首府, 但成個市都只有幾座不太高的高層建築, 其他民居都是獨立屋, 當地居民生活真是幾舒適, 好遊閒, 完全與世無爭; 市面上又係夠鐘must go, 晚上七, ハ時已經好似死城, 因所有商店都已關門, 只有一兩間連鎖食店仍然營業至2200時, 公共巴士都不見行駛, 可能大多數人都是住近郊及使用自駕車吧.

在這裏唔揸車, 即係邊度都唔駛去, 除非參加當地旅行團坐他們的交通工具.



2009.11.18星期三  天氣:晴, 温度:涼, 空氣: 非常清新,心情:超靚

我住的Motel 429(motel for tonight) 是在Sandy Bay Road, 車路另一邊已是海邊沙灘, 沙很幼但並不是泳灘, 我一早起床去跑步, 已經有好多健康長者在行沙灘放狗, 年青人則跑步及踏單車, 所有迎面的晨運客都很友善, 主動微笑叫 ‘ Good Morning’;

跑了很遠, 來回差不多两小時, 沿路都是獨立屋, 每家每户都各有特式, 大多都有前後花園, 種有不同品種的花朶植物, 好綠化, 可能水土適宜, 花兒都好有色彩及非常大朶, 玫瑰, 芍藥等的花朶大過成年人的手掌, 樹幹亦高過成年人.

望見這麽多獨立屋, 屋靚景靚, 入油那位哥仔, Reception那位婆仔, 都一人一間, 但一般香港打工仔非常努力工作向上爬都住唔起, 我哋嘅价值觀係唔係要少少調整?

無他嘅, 此地人少地多, 幾仟呎獨立屋的价錢其實與我們住幾佰呎單位都是差不多.

食完早餐, 起程往Oyster場食Tasmanian Oyster, 地址為1388 Tasman Highway, Cambridge, 名為Barilla Bay Oyster Farm Gate and Restaurant, 由Sandy Bay Road 走A3公路, 駕車約一小時應該到, 但當設定GPS時, 不察覺地址號數有誤, 根據GPS指示在Tasman Highway 來回行了數次都去不到地址, 非常喪氣, 兩小時後唯有用返紙地圖帶路才去到Oyster場.

此次經歷給我教訓, 用GPS只能信六成, 一定要有合比例的紙地圖做後備, 因GPS內的地圖可能未及時更新或有修路, 改路, GPS就不懂反應.

太陽傘下, 對住oyster場, 即開即食, 少少檸檬汁, 嘩! 好fresh! 好creamy, 好好食, 食到停不了, 再叫多兩打oyster一客急凍三文魚, 食埋伴碟的長法國包, 飲埋那支好新鮮味道的蘋果汁; 感覺好滿足.  

去到oyster場, 過咗參觀時間, 冇得參觀, 唯有遠觀, 與香港的后海灣差不多, 都是一排排的柱, 插在海中, 但見他們是用鐵絲網及膠柱養oyster.

1F的餐廳要有party及預訂才開門營業, GF的Cafe則每天都開門營業, 有紀念品, 酒, 飲品, oyster及急凍三文魚賣. 此處有oyster汁啤酒賣, 好特別, 但不想酒後駕駛, 沒有試.

Tasmania oyster每打價錢為A$24, (約HK$19/隻, 在香港的 oyster吧或酒店好多時是賣HK$42-58/隻), 要了兩打及兩支蘋果汁飲品.
  飽飽後驅車往Port Authur, 有名的旅遊地點, 但去到比較失望, 因以為是一個靚海港, 卻是一個歷史上監禁囚犯的地方, 以前由英國來的囚犯在此海灣上岸, 好多以前囚犯及監管人員使用或居住過的建築物都保存得好好, 全部都有當年的故事, 不過全部都要有門票才可參觀; 有導遊講故事的金裝全票, 睇足兩日及所有建築物, 盛惠A$61, 睇完冇乜新意, 都幾悶, 可以不來.