快樂逍遙第三個月第5天

快樂逍遙第三個月第5天

Aug 4

獨樂樂不如眾樂樂、今天又是每月老友聚會、都是離不開飲飲食食、打吓牌、吹吓水、卡拉OK、最後竟然有人提議去東莞企石鎮食晚飯、真係中港無分界！

浩浩蕩蕩九個人搭火車再轉包車去那間企石鎮內的華乜乜酒店、左穿右插、冇人帶一定唔識来、週圍都是工廠、爛地、爛路、去到門口都唔覺有間酒店、但入到酒店真是嘩一聲、内外表裏不一、禾旱冚珍珠、酒店內五層樓高樓底的大堂、超大空間、豪華廁所、有排場啲服務、超大海鮮魚缸。

食晚飯時只有兩台客人、相比香港、廣州、深圳、餸菜價錢真是超平、￥18-28 一碟餸、品質及好味程度都達致酒店级、飲飽食醉每人都是￥35、真係少少唔係幾信。

我們議論紛紛：酒店如何維生? 收支如何平衡？或者是我哋睇唔倒酒店興旺時的情况？

我所觀察大陸現在的環境及經濟狀况、很多是非常两極化、仍然處於不同程度但急促發展的階段、新舊之間、太多的人、太大的地方、只靠党、政、軍去管理、國家在不同層面的管理、存有濃厚的山頭主義、官商勾結、複雜的人脈及權力關係、太多的地方資訊都不透明、想問都唔知去邊度問、去到政府部門、揾唔倒負責人就冇人會 啋您、太多人有法不依、明明有法例規則、但沒有太多人去遵守、太多人得过且过、做就好多灰色地帶、有門路有關係就有發展、混水摸魚、夠胆色就有機會....世界循環、現代中國仍是冒險家的樂園、揾大錢的好地方.......

謹希望中國將會更強大、所有公務員都更廉潔、而所有中國人都更有自信、更文明.....

Aug 5

今早六點九起身、睇吓報纸、之後去上集體運動堂Have a ball、柔性伸展運動、出一身大汗、簡直超爽。

下午及晚上寫Blog及與媽媽食晚飯。