快樂逍遙第二個月第17天 ~ 生活點滴

快樂逍遙第二個月第17天–生活點滴

July 16

一早起床去樓下公園運動兼報名學氣功、跟住去了Megabox 健身室做咗兩小時集體運動：踏單車及身体平衡。

每次做完運動流完一身大汗、我都感覺好開心、好澎湃、身心都好清新、好似身內的毒素由汗中排走、皮膚及肌肉都好有彈性、身手都敏捷啲、思路都清楚啲.......保持青春、終身堅持身心運動是比較實際。

下午忙於買遮光纸，砂紙，銅絲刷等工具，預備整理家中的鋁窗及玻璃。

晚上去活道上高班倉頡輸入法、有進步但仍需努力加努力。

July 17

影評:哈利波特-混血王子的背叛

可能是暑假、這幾次睇早場都好滿座、較多年青人睇此片、前段用三Ｄ播影(已經睇得太多、所以冇乜特别)、載住三Ｄ鏡其實對眼都幾倦、故事內容同前幾集差不多、無太大驚喜。


睇完此片我冇乜好講、可能之前嘅Transformer及Terminator的電腦畫面製作已經是超水平、官能感覺超勁、比較之下我對此片冇嘢講。


反而今早飲茶時睇到成報一段副刊講快樂十法、其中四個方法是：

• 當每天都是最後一天 - 想做的事、不要等待將來做、當日即做、心動不如行動、生活就會少啲遺憾；
• 清理家中雜物 - 清理在家中超過一年無掂過的雜物、物品、書藉等、送給慈善機構或回收商、可做善事、又可令家中多些空間、亞Q的假設你的住宅是5000元一方呎、你又賺咗、哲理其實是生活中有很多事物我哋都放唔開、如果可以放開、我們就會少咗好多負擔、自然無債一身輕； 
   
• 要說No – 身邊有很多親朋好友、時不時都找你幫佢做乜買乜、要返工的朋友或我們本身已經有太多事務要忙、每一個額外的要求其實都是負擔、可以說No就要說No、因為這些都是壓力的來源；
• 寫日記 – 只有文字、畫象、相片才可永遠留下我們的記憶、因我們經常有太多事物都是會忘記或失去記憶、習慣寫日記、可以記錄我們的生活細節、寫的時候我們會回想好多快樂的人和事；
  
  不如意的人事、經過一日後你已經cool down、可能你都不會寫得太多；結果日復一日、你會發覺原來生活上快樂的人事物是非常多、不如意事只是生活的小部份.......活着就是這麽精彩的。